कात्यायनी वधू – वर मालाव्यात वेबसाईटचे अनावरण

दिनांक १० मे २०२० रोजी शुक्ल यजयर्वेदीय माध्यंदिन महाराष्ट्रीय ब्राह्मण मध्यवर्ती मंडळ , कात्यायनी वधू वर मंडळातर्फे २ ऑनलाईन मेळावे घेण्यात आले. युवाच्या कार्यकारिणी सदस्य सौ. मंजुषा वैद्य यांनी हि कल्पना मांडली व संस्थेचे कार्याध्यक्ष श्री. विश्राम कुलकर्णी व कोषाध्यक्ष श्री. जयंत कुलकर्णी (सी.ए) यांनी त्याचे समर्थन केले.
सौ. मंजुषा वैद्य यांनी विशेष प्रयत्न करून हा पूर्ण कार्यक्रम फेसबुक लाईव्ह दाखवणे, पूर्ण मेळाव्याचे व्यवस्थापन, अशी अनेक कामे करून ऑफिस स्टाफ बरोबर हा कार्यक्रम यशस्वी केला.
सहकार्यवाह श्री. दिलीप संभूस, सौ. अनघा भावे, सौ. चैत्राली दशरथ यांनी यासाठी प्रयत्न केले.
युवा टीम कडून श्री. श्रीकांत जोशी, श्री. कृष्ण कुर्डुकर व श्री. अजय कुलकर्णी यांनीसुद्धा सहकार्य केले.
सर्व ज्ञातीच्या ब्राह्मण संस्थांमध्ये सर्वप्रथम अशा प्रकारे ऑनलाईन वधू-वर सूचक मेळावा घेण्यात संस्थेचे नेतृत्व निर्विवाद सिद्ध झाले आहे.
त्याबद्दल संस्थेचे सर्व ब्राह्मण समाजाकडून मनःपूर्वक अभिनंदन व कौतुक करण्यात आले.