शुक्ल यजुर्वेदीय माध्यंदिन महाराष्ट्रीय ब्राह्मण मध्यवर्ती मंडळ संचालित
कात्यायनी वधू – वर केंद्र – घटस्फोटीत मेळावा
संस्थेचे कात्यायनी वधू – वर केंद्र, सौ. स्वाती संभूस यांचे स्वाती वधू – वर केंद्र व श्री. का. भा. कुलकर्णी यांच्या संयुक्त विद्यमाने घटस्फोटीत मेळाव्याच आयोजन करण्यात आले.
संस्थेच्या उद्दिष्टा नुसारघटस्फोटीत मेळाव्याला घरगुती समारंभाचे स्वरूप आले होते. मेळाव्यास ३५ ते ४० जण उपस्थित होते. सर्वप्रथम जेष्ठ सभासद व समाजसेवक श्री. का. भा. कुलकर्णी यांनी त्यांच्या कार्याची माहिती दिली. सौ. अनघा भावे यांनी संस्थेची व कात्यायनी वधू-वर ची माहिती, त्यांनी संस्था राबवीत असलेले इतरही उपक्रम हे कसे समाजोपयोगी आहेत हे सांगितले तर सौ. स्वाती संभूस यांनी स्वाती वधू – वर संस्थेची माहिती दिली.
घटस्फोटीत लोकांसाठी संस्था राबवीत असलेले कार्य हे खूप मोलाचे आहे. नि:स्वार्थी पणे संस्थेच्या या कार्यात मदत करणारे श्री. का. भा. कुलकर्णी व सौ. स्वाती संभूस यांचे आभार कात्यायनी वधूवर केंद्राचा सौ. अनघा भावे यांनी मानले. दर दोन महिन्यांनी होणा-या या मेळाव्यात नवीन नोंदण्या होऊन या तीनही मंडळाच्या माध्यमातून अनेक विवाह होत असतात.
चहा/नाश्ताने कार्यक्रमाची सांगता झाली. मेळाव्यास वसतिगृह व्यवस्थापक श्री. रमाकांत रायरीकर यांची मोलाची मदत झाली.
